Гран прито за најдобар краток филм на годиешното издание на „Астерфесрт“ 2024 го доби краткиот игран филм „Љубовни маки“ на Александер Саул од Данска. Златната потковица ја доби краткиот анимиран филм „Гилгамеш“ на Шаќир Весели од Албанија. Сребрената потковица ја доби краткиот игран филм „Прошетка“ на Елеонора Венинова од Македонија. Бронзената потковица ја доби краткиот игран филм „Фортисимо“ на Виктор Цеска од Франција. Наградата за најдобар режисер „Ацо Алексов“ ја доби Небојша Слијепчевиќ за краткиот игран филм „Човекој кој не можеше да молчи“ од Хрватска. Наградата за најдобро сценарио „Ѓорѓи Абаџиев“ ја доби краткиот анимиран филм „Споменик“ на Сиџјиа Џенг и Џјашји Ву од САД. Специјални признанија од жирито добија и краткиот документарен филм „За живеењето“ на Сезер Салихи од Македонија и краткиот анимиран филм „Мигови“ на Катја Фридрих од Германија.
Наградените филмови беа избрани од членовите на официјалното жири на 19-тиот „Астерфест“, Зејгам Азизов од Велика Британија, Ганимет Сава од Косово и Никола Пијанманов од Македонија.
Вечерва, во 20:30 часот во Амфитеатарот астерфестовската публика ќе има прилика да ја гледа раритетната копија на долгометражниот игран филм „Преку езерото“ во чест на лауреатот Антонио Митрикески, како и кратките филмови „Со кренати раце“ на Митко Панов и „Лифт горе, лифт долу“ во режија на Душан Наумовски.
Утревечер, на последната фестивалска вечер, ќе бидат прикажани наградените кратки филмови, како и култниот филм „Црно семе“, во знак на 5-годишнината од смртта на Кирил Ценевски.
