„Здраво Ливерпул! дојде ентузијастичкиот поздрав од Влад Јаремчук, еден од организаторите на денс настанот кој во живо се емитува во ОК од подиумот во киевскиот клуб HVLV. „Навистина се надевам дека ќе уживате и ќе продолжите да ја поддржувате Украина. Го чувствуваме тоа овде и ни значи многу“.

„Боже чувај го кралот!“ Извика еден од присутните облечен во разнобојно руно на подиумот за танцување. Млади жени танцуваа една околу друга покрај маж кој се држи стоички, облечен во камуфлажна облека, додека сите се стримувани на големите екрани на две места на спротивниот краеви на Европа.

Денс настанот, Rave UKraine, се одржа истовремено во Хангар 34 во Ливерпул и HVLV во Киев во неделата, како дел од програмата на настани околу финалето на натпреварот за песна на Евровизија во сабота. Овогодинешниот натпревар се одржува во Обединетото Крластво во име на Украина која епогодена од војна, а покрај тоа се одржуваат и голем број солидарни гала настани.

На свеченото отворање во Ливерпул, учесниците од  Украина, електро-поп дуото TVORCHI носеа јакни со имиња на бебиња родени предвреме поради инвазијата на Русија. Оркестарот Калуш, кој минатата година го освои првото место по поддршката од Европа, ќе биде главни ѕвезди на фестивалот Евровизиско Село кој ќе се одржи оваа недела, а се очекува да свират и други украински бендови.

Домаќинот на овогодинешната Евровизија ја засилува љубовта што процвета меѓу Обединетото Кралство и Украина по целосната инвазија на Русија во февруари 2022 година. Оружјето што го испорачува ОК и обуката на војници одиграа витална улога во војната, а Борис Џонсон е толку почитуван поради неговата поддршка што едно кафуле во Киев минатото лето именуваше торта по него.

Во текот на викендот, првата дама на Украина, Олена Зеленска, присуствуваше на крунисувањето на кралот во Лондон, а Министерството за одбрана објави видео во кое им се заблагодарува на „нашите британски пријатели за вашето пријателство“, додека во позадина оди песната London calling на култниот бенд The Clash.

Јаремчук, голем љубител на британската електронска музика, е еден од организаторите на Rave UKraine, кој се одржа во 17 часот по Украина и 15 часот по Обединетото Кралство поради воениот полициски час во Киев. Говорејќи на маргините на настанот во главниот град, додека младите рејвери осцилираа во пуштање на техно музика, тој рече дека тоа е „прослава на постоењето на Украина“.

„Пред војната, луѓето не нè гледаа како наш посебен простор, туку како дел од Русија“, рече тој. „Од целосната инвазија, имаме луд златен период за украинската култура. Сега правиме многу повеќе музика, сето тоа на украински наместо на руски. Нашиот глас стана гласен“.

Со конфликтот што ја изолира земјата, демонстрациите на единство и солидарност од странство, како што е Евровизија, им даваат до знаење на Украинците дека светот сè уште ги гледа. „Ливерпул сега е мал Киев“, рече Јаремчук.

Тој не можеше да отпатува во Велика Британија поради промените во документите потребни за мажите да ја напуштат земјата среде воената состојба. Тој работи во иницијативата за собирање средства Music Saves UA, која собира пари преку, меѓу другото, објавувањето на хуманитарен албум со песни обезбедени од претежно британски музички продуценти.

Rave UKraine очекуваше околу 800 рејвери низ двете земји, а приходите од продажбата на билети ќе им помогнат на луѓето во градовите како што е Херсон. Јаремчук сака да ги убеди уметниците од Обединетото Кралство храбро да отпатуваат во Киев за неговиот следен проект.

Додека во главниот град сè цвета како што времето се загрева, Киев сè уште страда од руската војна и нападите се зголемени во последниве недели. Рано во понеделникот, пет лица беа повредени од паѓање на остатоци во главниот град кога противвоздушната одбрана собори голем број беспилотни летала Шахед од иранско производство, а експлозиите одекнуваа низ ноќното небо. Украина соопшти дека соборила 35 ширум земјата.

Валериј Нејман, еден од диџеите кои настапија. Фотографија: Лиз Кукман/Гардијан

Музиката обезбедува излез и бегство. Неколку часа по Rave UKraine, еден од диџеите кои настапуваа, Валериј Нејман, познат како Равел, замина на мисија на една воена единица за беспилотни летала во првата линија кај Бахмут. Еднаш таму ќе ја „пушти“ својата најнова песна.

„Ние правиме се за нашата иднина. Не само борбите – културниот фронт е многу важен“, рече Нејман. „За нас е многу важно да им покажеме на Русите дека не ни е грижа за ракетите и беспилотните летала – сепак можеме да се забавуваме и да правиме музика“.

„Имам граната и ако Русите се обидат да ме фатат, сигурно ќе ја употребам на себе. Се надевам дека тоа нема да се случи, бидејќи имам многу работи на кои сакам да се фокусирам, на мојата иднина“, додава тој, како отрезнувачки потсетник за целта на настанот среде толпата смеа и испотена еуфорија.

Извор: https://www.theguardian.com/