Во својата понуда настанот вклучуваше три трки: детска треил трка со старт и финиш во Пештани; вертикал трка со старт во Пештани и финиш на врвот Чумо Влага (1801 м.); и Бајраче треил со старт во Елшани и финиш во Пештани. Бајраче треил беше новитет оваа година и истата е долга 23 километри. Трасата на тркачката патека се движи од Елшани – Црни Камен – Корита – врв Лако Сигној (1973 м.) – врв Бајраче (1924 м.) – Пештани.

Организаторите истакнуваат дека со овие трки се истакнуваат најубавите делови на Галичица со најубави погледи по досега нови и неоткриени патеки. Исто така, целта на тимот при организација е преку вакви настани да се поттикнува спортскиот дух кај месното и поширокото население, како и да се промовира здрав начин на живот.

„Настанот поддржува промоција на спортскиот и планинскиот туризам и има за цел да го интегрира локалното население во своите активности и подготовки. Бројни поддржувачи со донации или преку својата волонтерска вклученост овозможија да се реализира ова дводневно доживување“ велат организаторите.

Севкупни победници на двете трки (вертикал и Бајраче треил) беа:

Во женска конкуренција

1.Елена Ртоска

2.Сања Најдовски

3.Александра Танасоска

Во машка конкуренција

1.Златко Карчески

2.Златко Николов

3.Александар Милески