Ангус Клауд, кој глумеше во хит серијата на HBO, Euphoria, почина на 25-годишна возраст. Клауд, кој го глумеше дилерот на дрога Феско „Фез“ О’Нил во тинејџерската драма, почина во понеделникот во својата семејна куќа во Оукленд, Калифорнија, изјави неговиот публицист.
„Со најтешко срце моравме да се збогуваме со неверојатен човек денес“, велат од семејството Клауд.
Клауд присуствуваше на погребот на неговиот татко во Ирска минатата недела и, според неговото семејство, „интензивно се бореше со оваа загуба“. Според семејството, тој сега е „повторно обединет со својот татко, кој му беше најдобар пријател“, велат во соопштението.
„Ангус беше отворен за неговата битка со менталното здравје и се надеваме дека неговото умирање може да биде потсетник за другите дека не се сами и не треба сами да се борат со ова во тишина“, се вели во соопштението.
„Се надеваме дека светот ќе го памети по неговиот хумор, смеа и љубов кон сите.“
Причината за неговата смрт не е соопштена.
„Навистина бевме погодени кога дознавме за смртта на Ангус Клауд. Тој беше неизмерно талентиран и сакан дел од семејството на HBO и Euphoria“, се вели во соопштението на HBO.
„Изразуваме најдлабоко сочувство до неговите пријатели и семејството во овој тежок период.“
Извор: BBC
