Најмалку седум лица го загубија животот, а 152 се повредени по избувнување на голем пожар на градилиштето на Амурскиот гасно-хемиски комплекс на рускиот Далечен Исток, потврди раководството на фабриката. Меѓу загинатите се шестмина кинески државјани и еден руски работник, додека 36 лица поради сериозноста на повредите се итно хоспитализирани.

Инцидентот се случил во вторникот во помошен погон за пиролиза, каде што специјалистите морале да извршат контролирано согорување на преостанатите индустриски гасови пред пламенот целосно да биде изгаснат.

💥 Russia: Amur Gas Chemical Complex, a Russian-Chinese joint venture that was to be one of the largest basic polymer production facilities in the world (2.7 million tons/year), exploded during final pre-starup stage after 7 years of construction.
6,000km from Ukraine. pic.twitter.com/bMS1mswt1X

— Igor Sushko (@igorsushko) August 25, 2026

Комплексот во Амурската област е вреден повеќе милијарди долари и претставува заеднички проект на рускиот петрохемиски гигант „Сибур“ и кинеската државна компанија „Синопек“. Објектот беше во завршна фаза пред почетокот на редовното производство и треба да прерасне во еден од најголемите светски производители на полиетилен и полипропилен со годишен капацитет од 2,7 милиони тони полимери.

Русија при изградбата на капиталните индустриски објекти масовно се потпира на странска работна сила од Кина. Овој инцидент се случува во период кога Москва максимално го забрзува своето економско и енергетско поврзување со Пекинг поради западните санкции.

Рускиот Истражен комитет отвори кривична постапка за да утврди дали станува збор за потенцијално кршење на правилата за индустриска безбедност при работа. Властите на Амурската област соопштија дека локалните мерења не покажале присуство на токсични гасови во воздухот за околните населени места.