Невремето што во средата попладне ја зафати континентална Хрватска однесе два животи во Загреб и еден во Славонија, десетици луѓе се повредени во главниот град на Хрватска, а материјалната штета е огромна.
Невремето придружено со дожд и бурен ветер во Загреб носеше се пред себе. Од паѓање на дрво загинале двајца мажи, 50-годишен пешак и 48-годишен возач, а загина и 40-годишен маж од општина Черник, кој бил во автомобил на кој паднало дрво. Невремето зафати неколку хрватски жупании, но најголема штета и најмногу повредени има во Загреб.
Дирекцијата за цивилна заштита (РЦЗ) извести дека во Загреб се повредени „неколку десетици луѓе“, а болниците пријавиле околу 60 повредени. Едно лице е тешко повредено и во Загребската жупанија, информираат од РЦЗ во извештај од 19:30 часот. Само во загрепската болница „Свети Дух“ се примени 19 лица, од кои тројца се здобиле со тешки физички повреди, но само едно од нив останало на болничко лекување.
Во Загреб и Загребската жупанија, итните и комуналните служби имале повеќе од 1.300 интервенции. Ветрот носел сè пред себе – гранки и лимени покриви, разни предмети, урнал оџаци, корнел дрвја, ги остави градските патишта пренатрупани, а трамвајскиот сообраќај до доцните вечерни часови не бил целосно обновен. Пожарникарите интервенирале приоритетно за расчистување на главните градски сообраќајници.
Социјалните мрежи се преплавени со видеа од последиците од невремето. Регистрирани се паднати тераси и поројни поплави кои накратко го зафатија центарот на градот, паднати дрвја од сите урбани средини кои често паѓаа врз автомобили, како и силен ветер кој носеше ќерамиди и лимени покриви.
Сите болници во Загреб даваат здравствена заштита на пациентите, потврди Министерството за здравство, иако невремето не ги заобиколи ниту болниците – поплавени се просториите во Свети Духу и КБЦ Ребро. „Ова е невидено невреме“, изјави по средбата со пожарникарите градоначалникот на Загреб, Томислав Томашевиќ, кој помага во расчистувањето на градот, а сите надлежни служби се на терен.
Последиците од невремето се забележани и во другите делови од Хрватска – неколку лица се повредени во Пожешко-славонската жупанија, штети на згради се регистрирани во Вуковарско-сремска, Крапино-загорска и бјеловарско-билогорска жупанија, додека во други делови на континентална Хрватска невремето предизвикало потешкотии во сообраќајот и прекини во снабдувањето со електрична енергија.
Материјалната штета предизвикана од невремето во Хрватска допрва ќе се утврдува, а премиерот Андреј Пленковиќ најави дека Владата ќе помогне во санирање на настанатата штета.
Извор: Vecernji
