Македонската фармацевтска компанија НЈСК Холдинг одбележува 10 години од своето основање со отворен конкурс за редизајн на официјалното лого. Како прв домашен лиценциран производител и извозник на медицински канабис со европски стандарди, компанијата ги повикува сите графички дизајнери и креативци да понудат современа визија за нејзиниот нов брендинг.
Предлозите треба да ги одразуваат вредностите, фармацевтските стандарди и визијата за иднината на компанијата. За трите најдобри дизајни се обезбедени парични награди, а рокот за испраќање на трудовите е 15 август 2026 година на електронската адреса konkurs@nyskholdings.com.
Во изминатите 10 години НЈСК Холдинг се позиционираше како пионер во домашниот и регионалниот сектор за одгледување и преработка на канабис во медицински цели. Компанијата влезе во историјата на македонското здравство и стопанство како прв лиценциран одгледувач, но и како прв македонски извозник на сув цвет од канабис.
Покрај приматот на домашниот пазар, НЈСК Холдинг ја обезбеди и првата европска лиценца за производство на фармацевтски производи на база на канабиноиди. Со имплементација на високи EU-GMP стандарди, компанијата успеа да ги пласира своите производи на меѓународните фармацевтски пазари, потврдувајќи го квалитетот на домашниот инженеринг и фармација.
